Siminaar 5 maalmooda oo ku saabsan qaabka uruurinta diiwaanada iyo Xogta oo uu soo qaban qaabiyay Agaasimaha Fulinta FPENS, Mudane Cabdiraxman Cumar Sheekh Nuur, ayaa ka dhacday Xarunta Munadamada Al-dacwah Al-Islaamiya ee Magaaladaan Muqdisho (07/12/2016).

Siminaarka waxaa ka soo qayb galay hawl wadeeno FPENS ee hoos ku qoran:-

1. Saciido Xasan Maxamed

2. Axmed-haadi Xasan Cumar

3. Saalax Maxamed Aadan

4. Xasan Maxamed Sheekh Cumar

Siminaarka waxaa bixinayay 2da Prof. ee hoos ku qoran:-

1. Sayid Cali Xuseen Macallin

   Madaxa Xafiiska Munadamatu Dacwah Al-Islaamiya ee  Magaalada Muqdisho.

2. Cabdirashiid Cabdullaahi Xaydar

   Agaasimaha Xiriirka guud iyo isgaarsiinta ee Wasaaradda Horumarinta Shaqada iyo Shaqaalaha

intii uu siminaarku socday, Macallimiinta wax ka dhigaysay waxay soo jeediyeen mowduucyo aad muhiim u ah oo la xiriira hawlaha ama shaqooyinka kasoo qayb galayaasha sida kuwa hoos ku qoran:-

1. howsha laga rabo Xog haynta.

2. xafiiskaadu waa in uu noqdaa mid ay ka muuqato aqoon iyo muuqaal wanaagsan.

3. ogaanshaha waxa Xafiiskaada dhex yaala iyo sida loogu muujiyo liisas qoran ee albaabkiisa lagu dhejiyo.

4. sida loo diiwaan geliyo waraaqaha soo galaya, iyo kuwa ka baxaya Xafiiska, isla markaana mudnaan gooniya loo siiyo hawlaha Xafiiska.

5. in aan ogaano kulamadu in ay yihiin maalinle, toddobaadle, sannadle, iwm, iyo kulan kasta in laga diyaariyo qoraal-shireed.

6. in la sameeyo shicaaro lagu muujinayo waxyaabaha muhiimka ah ee Dalladda.

7. si loo helo macluumaad dhamaystiran, waa in mar walba la qaadaa sawiro.

8. toddobaad walba waa in Xafiisyada Dalladdu ay isdhaafsadaan wixii macluumaada ee jira.